29/09/2020...

भ्रष्टाचार ही आपल्या देशाला लागलेली कीड आहे. भ्रष्टाचार ही गोष्ट मुळापासून नष्ट करायची असेल तर त्याची सुरुवात प्रत्येकाने स्वत:पासूनच करायला हवी. स्वतः आपण भ्रष्ट आणि लाच खाऊ लोकांना समाजापुढे आणायला हवं. आपण आपली कामं नीट कायद्यानुसार आणि वेळेवर करायला हवीत. स्वतः प्रामाणिकपणे काम करायला हवं. सरकराने त्यांच्या भ्रष्ट अधिकारी तसंच भ्रष्टाचाराला प्राधान्य देणाऱ्यांवर कडक कारवाई करायला हवी. भ्रष्ट लोकांमुळे देशाची अर्थ व्यवस्था डळमळते. देशात असुविधा आणि विषमता निर्माण होते. प्रामाणिकपणे काम करण्याऱ्या लोकांना प्रोत्साहन देऊन त्यांच्या कामाला वाव द्यायला हवा. आपण आपल्या कामात तसंच सरकारी कामातसुद्धा पारदर्शकता असायला हवी.

देशाला महासत्ता बनवण्याचं ध्येय डोळ्यांसमोर ठेवून तरुणाई झटून काम करतेय. पण देशाला लागलेली भ्रष्टाचाराची कीड या यातला मोठा अडसर ठरतो आहे. लाच घेणारा आणि देणाराही तेवढाच दोषी असतो, असं तरुणाईला वाटतं. त्यामुळे भ्रष्टाचाराचा हा भस्मासूर चिरडून टाकायचा असेल तर प्रत्येकाने स्वतःपासूनच सुरूवात करायला हवी. खरं तर भ्रष्टाचार रोखणाऱ्या सध्याच्या यंत्रणांनी त्यांची विश्वासार्हता गमावणं ही चिंतेची बाब आहे. आधुनिक तंत्रज्ञानाच्या सहाय्याने कामकाजात पारदर्शकता आणून भ्रष्टाचार मोडून काढता येईल, असं मत तरुणाईने ‘युवाकट्टा’व्यक्त केलं आहे.


कायद्याचं काटेकोरपणे पालन

'सोन्या, दुकानात जाऊन ५ रुपयांची कोथिंबीर घेऊन ये आणि २ रुपये तुला ठेव', ही भ्रष्टाचाराची पहिली पायरी. सुरुवात अगदी घरापासूनच होते. मुलाने आपलं काम ऐकावं म्हणून पालक किती सहजपणे बोलून जातात. पण पुढे हीच वाईट सवय घातक बनते. या छोट्या गोष्टीतून हळूहळू भ्रष्टाचाराचं बीज फोफावतं. आज अशी कोणती संस्था आहे जिथे भ्रष्टाचार नाही? मुलांना चांगल्या शाळेत प्रवेश मिळावा म्हणून द्या डोनेशन, अनधिकृत बांधकाम अधिकृत दाखवायचंय महापालिकेच्या अधिकाऱ्यांना चहापाणी द्या, प्रत्येक ठिकाणी भ्रष्टाचार, भ्रष्टाचार आणि फक्त भ्रष्टाचार. याला आळा घालण्याचे अनेक उपाय आहेत. सर्वात प्रथम आणि महत्त्वाचं म्हणजे आपण सर्वांनी कायद्याचं काटेकोरपणे पालन केलं पाहिजं.

पहिली गोष्ट तुमचे बजेट वाढवा आणि, त्यांच्या अपेक्षा पेक्षा जास्त पगार ऑफर करा.