महाराष्ट्रात एकूण ६ प्रशासकीय विभागातील ३६ जिल्हे मिळून ३५८ तालुके आहेत त्यापैकी सगळ्यात जास्त तालुके हे नांदेड (१६) व यवतमाळ (१६) या जिल्ह्यात असून त्यापाठोपाठ, रायगड (१५), नाशिक (१५), जळगाव (१५), चंद्रपूर (१५) या जिल्ह्यांचा क्रमांक लागतो. मुंबई शहर या जिल्ह्यात एक पण तालुका नसून मुंबई उपनगर या जिल्ह्यात अंधेरी, बोरिवली व कुर्ला असे ३ तालुके असून ते फक्त प्रशासकीय कारभारासाठी आहेत. मुंबई शहर व मुंबई उपनगर या जिल्ह्यांना वगळता महाराष्ट्रात सगळ्यात कमी तालुके हे धुळे (४) या जिल्ह्यात असून त्यापाठोपाठ हिंगोली (५), नंदुरबार (६), वाशिम (६) या जिल्ह्यांचा क्रमांक लागतो.