व्हॉलेंटरी प्रॉव्हिडंट फंड (व्हीपीएफ) म्हणजे ऐच्छिक भविष्य निर्वाह निधी होय.  या इपीएफओच्या योजनेतून लाभ घेणारे कर्मचारी हे स्वच्छेने आपल्या वेतनातील कितीही टक्के वाटा प्रॉव्हिडंट खात्यात जमा करू शकतात.हे योगदान सरकारकडून आवश्यक 12 टक्केपीएफच्या निश्चित मर्यादेपेक्षा अधिक असावे, असा नियम आहे. अशावेळी मात्र कंपनी कोणत्याच प्रकारे व्हीपीएफची रक्कम देण्यास बांधील नसते.            

बचत खाते, अन्य मुदत ठेवी योजनेच्या तुलनेत पीएफ आणि व्हीपीएफवर चांगले व्याज असल्याने नोकरदार वर्गाने व्हीपीएफ सुरू करण्याबाबत आग्रही असावे.  याबाबत कंपनीतील लेखा विभागाशी संपर्क साधून व्हीपीएफच्या नियम आणि अटी जाणून घेण्याचा प्रयत्न करावा.आपण वाचत आहात माहिती सेवा ग्रूप पेठवडगावची पोस्ट, व्हीपीएफच्या माध्यमातून आपण निवृत्त निधीत चांगली वाढ करू शकतो, हे निश्चित.अन्य खात्याप्रमाणे व्हीपीएफचे वेगळे खाते नसते. या खात्याचे पीएफ खात्यातच  समायोजन केलेले असते. कर्मचारी आपले मूळ वेतन आणि महागाई भत्ता याचे शंभर टक्के योगदान व्हीपीएफमध्ये देऊ शकतो. व्हीपीएफवर आकारले जाणारे व्याज हे ईपीएफप्रमाणे लागू असते. वेगळे खाते नसल्याने व्हीपीएफची रक्कम ही दरमहा पीएफच्या खात्यातच जमा होते.
*🔹फंडमध्ये योगदान 🔹*
व्हीपीएफ आणि पीपीएफ या दोन्हीतही योगदान ऐच्छिक आहे. केवळ पगारदार नोकर व्हीपीएफची निवड करू शकतात. तरपीपीएफ खाते हे पगारदार आणि बिगर पगारदार व्यक्ती सुरू करू शकतात. एखाद्या कर्मचार्याला निवृत्तीच्या बचतीत वाढ करायची असेल तर व्हीपीएफचा पर्याय निवडायला हरकत नाही. एखादा कर्मचारी शंभर टक्के मूळ वेतन आणि महागाई भत्ता व्हीपीएफसाठी योगदान करू शकतो. पीपीएफ खात्यात वार्षिक दीड लाखांपर्यंत मर्यादा आहे तर व्हीपीएफमध्ये योगदान देण्यासाठी कोणत्याही प्रकारची मर्यादा  नाही.
▪व्हीपीएफवर परतावा▪
सद्य:स्थितीत पीपीएफ खात्यावर 7.7 टक्के व्याज दर दिला जात आहे. पीपीएफचे व्याजदर हे सरकारच्या बाँड यिल्डशी निगडित असलेल्या योजनेवर आधारित आहेत. सरकारी बाँड हे किमान जोखीम असणार्या योजना असतात. तर दुसरीकडे व्हीपीएफचा व्याजदर हा जी-बाँड यिल्डशी निगडित नसतो. त्यामुळे त्यावरील व्याजदर हा पीएफप्रमाणे आहे. सद्य:स्थितीत ईपीएफचा व्याजदर हा 8.7 टक्के आहे. हा व्याजदर पीपीएफपेक्षा अधिक आहे.
▪करसवलत▪
जर कर्मचार्याने पाच वर्षापेक्षा अधिक कालावधीपेक्षा काम केले असेल तर इपीएफ आणि व्हीपीएफकडून मॅच्युरिटी उत्पन्नाला करसवलत दिली जाते. जर आपण पाच वर्षाच्या अगोदरच पैसे काढत असाल तर मॅच्युरिटी परताव्यावर काही प्रमाणात कर बसू शकतो. दुसरीकडे पीपीएफचा परतावा हा करमुक्त आहे.
▪कर्जाची सुविधा▪ इपीएफ आणि व्हीपीएफमधील जमा फंडच्या आधारे कर्ज घेण्यासाठी कोणीही अर्ज करू शकतो. याशिवाय संपूर्ण गुंतवणूक काढून घेऊ शकतो. पीपीएफवर कर्ज घेताना चौथ्या वर्षाच्या अखेरीस असलेल्या एकूण रकमेच्या 50 टक्केच रक्कम ही पीपीएफ खात्याच्या सहाव्या वर्षाच्या सुरुवातीला काढू शकतो.पीपीएफमध्ये कर्जाऊ म्हणून संपूर्णपणे रक्कम काढता येत नाही.  अर्थात यासंबंधी सविस्तर माहिती आणि नियम हे कंपनीच्या लेखाविभागाकडून मिळू शकते. या नियमात ठराविक काळानंतर होणार्या बदलाचा परिणाम कर्जाच्या निकषावरही होतो.
____________________________
*ʷʰᵃᵗˢᵃᵖᵖ 9890875498* ☜♡☞
🔵 माहिती सेवा ग्रूप पेठवडगाव 🔵
______________________________
https://m.facebook.com/story.php?story_fbid=486091741788754&id=100011637976439