NCC अर्थात National Cadet Corps म्हणजेच राष्ट्रीय छात्र सेना.

• तीनही दलांचे मूलभूत प्रशिक्षण छात्रांना राष्ट्रीय छात्र सेना देते.

​

छात्रांमध्ये शील, शिस्त, संयम, निर्णयक्षमता, बुद्धी, एकोपा, समानता, राष्ट्राभिमान, उच्चविचारसरणी, ध्येयनिष्ठा, समयनिष्ठता, आज्ञाधारकपणा, इत्यादी गुणांचा विकास व्हावा यासाठी राष्ट्रीय छात्र सेना कार्य करते.

सोबतच असे गुणी छात्र सैन्यात भरती करता यावेत यासाठी त्यांना प्रशिक्षित केले जाते.

राष्ट्रीय छात्र सेना देशपातळीवर तीन प्रमाणपत्र परीक्षांचे आयोजन करते.

शालेय स्तरावर २ वर्षांचे प्रशिक्षणांती ए प्रमाणपत्र परीक्षा घेतली जाते व उत्तीर्ण छात्रांना ए प्रमाणपत्र मिळते.

महाविद्यालयीन स्थरावर २ वर्षांचे प्रशिक्षणांती बी प्रमाणपत्र परीक्षा घेतली जाते व उत्तीर्ण छात्रांना बी प्रमाणपत्र मिळते.

महाविद्यालयीन स्थरावर ३ वर्षांचे प्रशिक्षणांती व बी प्रमाणपत्र परीक्षा उत्तीर्ण असल्यास सी प्रमाणपत्र परीक्षा घेतली जाते व उत्तीर्ण छात्रांना सी प्रमाणपत्र मिळते.

उपरोक्त सर्व प्रमाणपत्रांवर श्रेणी दिलेल्या असतात. ए किंवा बी श्रेणीत उत्तीर्ण होणे गरचेचे असते.

ज्या छात्रांना सी प्रमाणपत्र परीक्षेमध्ये ए किंवा  बी श्रेणी प्राप्त होते ते खालील फायदे मिळवू शकतात.

• सी प्रमाणपत्र परीक्षेमध्ये ए किंवा  बी श्रेणी प्राप्त छात्र राष्ट्रीय छात्र सेना विशेष प्रवेश योजनेद्वारे अर्थात एन सी सी स्पेशल एन्ट्री स्कीमद्वारे कोणतीही लेखी परीक्षा न देता, सेवा निवड आयोग अर्थात सर्विस सिलेक्शन बोर्ड (एस एस बी) द्वारे आयोजित केल्या जाणाऱ्या साक्षात्कारास उपस्थित राहू शकतात आणि सैन्यात अधिकारी म्हणून भरती होऊ शकतात.

• याउपर सी प्रमाणपत्र परीक्षेमध्ये ए किंवा बी श्रेणी प्राप्त छात्र, सैनिक पदाकरिता लेखी परीक्षा न देता सैन्यात भरती होऊ शकतात.

• पोलीस खात्यात भरतीप्रक्रियेमध्ये सी प्रमाणपत्राचे वाढीव गुण मिळतात शिवाय प्रमाणपत्राचा उपयोग बढती वेळेस ही होतो.

टीप: अधिक माहितीसाठी येथे भेट द्या.

एन सी सी मध्ये स्वच्छता ठेवायचे आहे