बिगर बहिणींच्या संमतीशिवाय भाऊ वडिलांची जमीन(वडील मयत असल्यास) स्वतःच्या नावावर करू शकत नाही.पण काही ठिकाणी भाऊ - बहिणीत वाद असल्याने किंवा हक्क मागत असल्याने भाऊ (मुलगा ) परस्पर प्रतिज्ञापत्रात खोटी माहिती सादर करतात. चुकीची माहिती नोंद करून माहिती लपविली जाते. अस आढळल्यास बहीण तक्रार करू शकते व स्वतः हक्क मागू शकते. जर वडील ह्यात असतील आणि जर वडीलांनी (मूळमालक) मृत्यूपत्र  केले किंवा बक्षीसपत्र फक्त मुलाच्या  नावाने केले तर ती जमीन फक्त मुलाच्या नावावरच होऊ शकते.