इ.स. १८६४ मध्ये जॉन न्यूलँड्स या इंग्रज रसायनशास्त्रज्ञाने अणुवस्तुमानांकाच्या चढत्या क्रमाने ज्ञात असलेल्या मूलतत्त्वांची मांडणी केली. त्याने असे निदर्शनास आणले की प्रत्येक आठव्या मूलतत्त्वाचे गुणधर्म पहिल्या मूलतत्त्वाच्या गुणधर्मांशी जुळतात. ह्या नियमाला न्यूलँडचा अष्टकाचा नियम म्हणतात. हा नियम केवळ कॅल्शियमपर्यंत लागू होतो.

उदाहरण: लिथियम (Li), सोडियम (Na) आणि पोटॅशियम (K) यांच्या गुणधर्मात साम्य आहे. न्यूलँड्सच्या वर्गीकरणात लिथियम आणि सोडियम एकाच स्तंभात येतात.

मर्यादा:

• हा नियम फक्त कॅल्शियमपर्यंतच्या मूलतत्त्वांना लागू होता.
• न्यूलँड्सने काही भिन्न गुणधर्म असणाऱ्या मूलतत्त्वांना एकाच स्तंभात ठेवले.
• त्याने भविष्यात नवीन मूलतत्त्वे शोधली जातील, याचा विचार केला नाही.

संदर्भ:

• मूलद्रव्यांचे आवर्ती वर्गीकरण - विकासपीडिया