हिंदू धर्मात शुभकार्याप्रसंगी आंब्याच्या पानाला खूप महत्त्व असते. त्यावेळी सजावटीसाठी आंब्याची पाने घराच्या दरवाज्याला लावतात. यामागे धार्मिक कारण असल्याचे सांगितले जाते.

हिंदू धर्मात वृक्षांचा खूप सन्मान केला जातो. काही वृक्षांची पूजा ही केले जाते. तर काही वृक्षांना अन्नदेवतेचाही दर्जा दिला जातो. त्यात आंब्यांच्या पाने देखील पूजेदरम्यान वापरली जातात. फक्त दरवाज्यावरच आंब्याची पाने लावत नसून पूजेदरम्यान कलशाच्या बाजूने पाने लावली जातात. एवढच नाही तर, लग्नाच्या वेळी मंडप देखील आंब्याच्या पानाने सजवतात. नवजात बालकाच्या पाळण्याला ही आंब्याच्या पानाने सजवतात. काही धार्मिक कार्यात पानाचे वापर मोठ्या प्रमाणात करतात.सर्व शुभकार्यात आंब्याच्या पानांचा वापर केला जातो. प्रवेशव्दाराजवळ लावलेल्या पानामुळे सर्व शुभकार्य कोणत्याही विघ्नेशिवाय पार पडते. या पानामध्ये काय खास महत्त्व आहे की, सर्व शुभकार्यात आंब्यांची पाने गरजेची असतात.धार्मिक मान्यतेनुसार, आंबा हा हनुमान यांचे आवडते फळ आहे. त्यामुळे जिथेही आंबा आणि आंब्याची पान असतात तिथे हनुमानची कृपा असते असे मानले जाते. आंब्याच्या झाडाचे लाकूड हे हवन सामुग्रीमध्येही वापरतात. या लाकडाचा वापर हवन करताना केल्यास वातावरणाता सकारत्मकता वाढते. जेव्हाही बाहेरून येणारी हवा जेव्हाही पानांना स्पर्श करते तेव्हा सकारत्मकता घरात प्रवेश करते असे म्हटले जाते.