ही श्रीकृष्ण राऊत यांची मोक्ष नावाची गजल आहे.
पूर्ण गजल:

दु:ख देखणे तुझे,देखणा वसंत तू;
घाव सांगतातना आजही पसंत तू.

सोसतात लोक हे लाख यातना पहा;
वागवीत बैसला काय एक खंत तू.

वाटल्यास गाळ तू लपून दोन आसवे;
भाषणा, करू नको मरण शोभिवंत तू.

येथली जमीनही नीट ना कळे तुला;
वाचतोस सारखा काय आसमंत तू.

लोचनात ओतुनी प्राण वाट पाहतो;
आणखी बघू नको फार वेळ अंत तू.

स्वर्ग छान कल्पना,मोक्ष फालतूपणा;
चालला कुठे असा शोधण्या दिगंत तू.

भिमराव पांचाळे यांनी गायलेली गजल आहे . तुम्हाला त्यांच्या अल्बम मध्ये हे गाणं ऐकायला भेटेल.

यूट्युबला खालील लिंकवर उपलब्ध आहे