कडाक्याची थंडी काय असते याचा अनुभव सध्या मुंबईकर घेत आहेत. पहाटेच्या वेळी या 'थंडा'ईचा अनुभव घेणं एकदम मस्त-रिफ्रेशिंग असतं. मुंबईत तसंच मुंबईच्या जवळपास अशीही काही ठिकाणं आहेत जिथं तुम्हाला बोचरी, गुलाबी थंडी अनुभवायला मिळू शकते. मात्र त्यासाठी वीकेण्डला झोप बाजूला ठेवायची, भटकंतीचा एखादा स्पॉट निवडायचा आणि निघायचं...

 

कडाक्याची थंडी काय असते याचा अनुभव सध्या मुंबईकर घेत आहेत. पहाटेच्या वेळी या 'थंडा'ईचा अनुभव घेणं एकदममस्त-रिफ्रेशिंग असतं. मुंबईत तसंच मुंबईच्या जवळपास अशीही काही ठिकाणं आहेत जिथं तुम्हाला बोचरी, गुलाबी थंडी अनुभवायला मिळू शकते. मात्र त्यासाठी वीकेण्डला झोप बाजूला ठेवायची, भटकंतीचा एखादा स्पॉट निवडायचा आणि निघायचं...

'

धुक्याची दुलई

'थंडी हवाँये लहराके आये..' म्हणत अंगावर शाल, स्वेटर, कानटोपी असा पेहराव करत भल्या पहाटेची थंडी अनुभवण्याची मजा औरच असते. तुम्ही फिटनेस फ्रीक असा वा नसा.. बोरिवलीतल्या संजय गांधी नॅशनल पार्कमधल्या पहाटेच्या धुक्यात उतरलेली पहाट अनुभवणं हा अनुभव न्याराच असतो. मॉनिर्ंग वॉकर्स नेहमीच हा अनुभव घेत असले, तरी सध्याच्या 'थंडा'ईच्या दिवसांत तिथे पहाटेच चक्कर टाकणं सुखावणारं असतं. नॅशनल पार्कमध्ये प्रवेश करून आत शिरताच येणारी थंड हवेची झुळूक वेगळंच काहीतरी सांगून जाते. त्याच वेळी पक्ष्यांची लगबग, त्यांचा किलबिलाट, धुक्याची दुलई असं सारं अनुभवायचं असतं. नागमोडी वळणं घेत नदीकाठी पोहोचल्यावर दुसऱ्याच जगात आल्यासारखं वाटेल. संथ वाहणाऱ्या नदीवरच्या इवल्या पुलावर उभं राहिल्यावर जर तुमचा रोमँटिक मूड आला, तर त्यात नवल नाही. वाटल्यास बोटिंगचा आनंदही लुटता येईल. यासह बोटिंगजवळच्या गांधी टेकडीवर जायचं हे तिथे गेल्यावरच ठरवा. बच्चे कंपनी असल्यास 'वनराणी'ची चक्कर टाकायलाच हवी. थोडं चालण्याची तयारी असेल, तर घनदाट झाडीच्या सोबतीने कान्हेरी गुंफेपर्यंत चालत सुटायचं. संपूर्ण तनमन हरपून टाकणारा हा अनुभव पुन्हा गेटवर येताना हरखून टाकणारा असतो.

ग्रुप असेेल तर मस्त धम्माल करत वाट दिसेल त्या रस्त्यांवर मौज करता येईल. स्वत:ची बाइक, गाड्या असल्या तर संरक्षित भाग सोडल्यास पर्यटन क्षेत्रात कुठेही फिरता येईल. अनेक ठिकाणी झाडांखाली तयार झालेल्या पारावर किंवा उद्यानांमध्ये बसून वनभोजन करता येईल. सायकलीवरून फिरायचं असेल तर रग्गड भटकता येईल. सुरूवातीला असलेल्या निसर्ग माहिती केंदामध्ये चक्कर टाकल्यावर सगळीच कल्पना येईल. भुकेसाठी सोबत खाण्या-पिण्याचं सामान ठेवा. कारण जंगलात कुठेही रेस्तराँ वगैरे नाहीत. फक्त इथे खाताना कचरा करू नका, हे लक्षात ठेवायलाच हवं.

गावाचा फिल

पश्चिम उपनगरातल्या गोरेगावमधली आरे कॉलनी हे थंडीत भटकंती करायला आवडणाऱ्यांसाठी मस्त ठिकाण. धुक्याने आच्छादलेले रस्ते, दुतर्फा हिरवी दाट झाडी. तिथून दूरपर्यंत जाणारी वाट आणि सोबतीला पक्ष्यांचा किलबिलाट. तसंच पाणवठ्याजवळ गोळा झालेले पक्ष्यांचे थवे असं सगळं वातावरणच रमणीय. अशा वेळी पाय नेतील तिथे मस्त भटकायचं आणि निसर्गसौंदर्य कॅमेऱ्यात बंदिस्त करायचं. फोटोप्रेमींसाठी तर इथे पर्वणीच. छोटा काश्मीर म्हणून ओळखल्या जाणाऱ्या ठिकाणी विविध रंगीबिरंगी पक्ष्यांचे फोटो टिपता येतात. अशा शांत आणि फ्रेश वातावरणात फिरायला खूप मजा येते. आरे कॉलनीत फिरताना गावाचा फील आल्याशिवाय राहत नाही. सूर्य जसा वर येतो तसा मॉनिर्ंग वॉकला येणाऱ्यांची आणि फेरफटका मारायला येणाऱ्यांची वर्दळ वाढायला लागते. आपापली वाहनं पार्क करून लोक इथे मॉनिर्ंग वॉक घ्यायला आणि फेरफटका मारायला सुरुवात करतात. हे एक निसर्गरम्य ठिकाण असलं तरी लोकवस्ती असल्याने इथल्या रहिवाशांच्या दैनंदिन कामांनाही सुरूवात झालेली असते. शाळकरी मुलांची शाळेत जाण्याची घाई तर ऑफिसला जाणाऱ्यांची लगबग हे चित्रही इथे दररोज पाहायला मिळतं.

- 

येऊरची वाट...

दाट धुक्यात बुडालेली वाट, सभोवताली हिरवाईचा शालू पांघरलेली दाट वनराई, त्यातून वाहणारा थंडगार अवखळ वारा, कानात निनादणारी पक्ष्यांची सुरेल गाणी अशा स्वगीर्य वातावरण सध्या येऊरचा डोंगर बुडालाय. मुंबई-ठाण्यात अवचितच अवतरणाऱ्या थंडीची आनंद लुटण्यासाठी यापेक्षा उत्तम ठिकाण शोधून सापडणार नाही. त्यामुळे गेल्या काही दिवसांपासून अनेकांची पावलं भल्या पहाटेपासून येऊरची वाट चालू लागतात.

ठाणे आणि मुंबई शहरचा ऑक्सिजन मास्क म्हणून येऊरचं जंगल ओळखलं जातं. काँक्रिटच्या जंगलाला खेटूनच असलेल्या या वनराईतली बारमाही सफर प्रत्येकालाच हवीहवीशी वाटते. मात्र, थंडीच्या मौसमात या परिसराचा सारा नूरच पालटलाय. सकाळी येऊरच्या पायथ्याशी पोहचल्यावरच अंगाला झोंबणाऱ्या गारव्याची मजाच काही औरच भासते. जंगलातली नागमोडी वळणे घेत जाणारा सुमारे तीन किलोमीटरचा घाट पायी चढून जाताना तर ही थंडी भलतीच बहरत जाते. येऊर गावापाशी पोहोचल्यानंतर एक कच्चा रस्ता जंगलाच्या दिशेने जातो. त्या पायवाटेवरच्या गारव्यातली सुहानी सफर अक्षरश: वेड लावणारी आहे. या पायवाटेला बिलगून उभ्या राहिलेल्या गवताच्या पात्यांवर आणि वेली फुलांवर विविधरंगी फुलपाखरं आणि आकर्षक किटकांचा विहार सुरू असतो. निसर्गाची ही किमया अनुभवत, पक्षांचे सुमधूर आवाजांचा अर्थ लावत होणारी पायपीट शरीरातली सारी मरगळ झटकून टाकते. मस्त गारव्यातली ही पायपीट झाल्यानंतर पोटातही कावळे ओरडायला लागलेले असतात. भेंडी नाल्यापासून माघारी फिरल्यानंतर पोटाणपाड्यात एका टपरीवर झक्कास वडापाव मिळतो. गरमागरम वड्यांवर आडवा हात मारून त्याबरोबरच घेतलेल्या गवती चहाची गोडी म्हणजे स्वगीर्य सुखच.

मनोरंजक 'मनोरी'!

समुदाकाठच्या एखाद्या छोट्याश्या खेड्यात थंडीच्या दिवसात कसं वातावरण असतं, याचा अनुभव घ्यायचा असेल, तर मुंबईजवळचा मावेर् मनोरी हा ऑप्शन बेस्ट आहे. मनोरीच्या सभोवताली समुद असल्यामुळे चारी बाजूंना गार वारा सुटलेला असतो. या गावात आल्यानंतर सकाळच्या कोवळ्या उन्हांमध्ये हा समुद बघणं म्हणजे स्वगीर्य सुख. या गावाच्या मागे असणाऱ्या डोंगरांच्या पलिकडून धुक्याचे संथ गतीने वर येणारे पुंजके तुम्ही हमखास पाहू शकाल.

याशिवाय इथल्या मातीवर, झाडांच्या पानांवर पडलेलं दव.. पहाटेच्या कडाक्याच्या थंडीतून डोकं वर काढणारा सूर्यनारायण.. त्या सकाळच्या अल्हाददायक वातावरणात शेकोटीभोवती बसलेले गावकरी.. त्यात मच्छिमारांची मुंबईकडेे येण्याची सुरू असलेली लगबग.. त्यासाठी खोळंबलेल्या बोटी.. असा अल्टिमेट नजारा इथे पाहायला मिळतो. मनोरी तसं अगदीच छोटं आहे. त्यामुळे अगदी ओरिजनल फिल देणाऱ्या वाफाळत्या चहाच्या टपऱ्या या गावात अनेक. या निसर्गाची दखल घेत पर्यटकांच्या दिमतीला इथे अनेक रिसॉर्ट्सही उभी आहेत. मुंबईपासून अगदी ४० किलोमीटरवर मावेर्मनोरी असल्यामुळे ऐन थंडीत वीकेण्डला तिथे जाणं हे अगदीच शक्य आहे. गावातून थोडं बाहेर आलात, की मजा करण्यासाठी समुद असतोच सोबतीला. मुंबईपासून इतक्या जवळ असूनही एक मस्त ब्रेक मिळाल्याचं फीलिंग येईल हे निश्चित.

हॅप्पी फिल

कॉलेज ऑफिसचं हेक्टिक शेड्यूल सांभाळता सांभाळता थंडी एन्जॉय करायची असेल तर नरिमन पॉइण्ट हा अल्टीमेट पर्याय. सकाळी ६ चा सुमार...शांत समुद... रोजच्या धकाधकीपलिकडे दिसणारी शांत मुंबई. गुलाबी थंडीत मस्त गरमागरम चहाचा आस्वाद घेता यावा म्हणून चहाची किटली घेऊन मरिन ड्राइव्हच्या कट्ट्यावर चहावाले बसलेले असतात. सोबतीला लुकलुकत्या क्वीन्स नेकलेसचं समुदात पडणार प्रतिबिंब मोहवून टाकतं. सगळी टेन्शन्स बाजूला सारून गप्पा मारत, थंडीची मजा लुटणारी तरूणाई इथे नजरेस पडते... डिसेंबर-जानेवारीत हे चित्र हमखास दिसतं. आताही थंडी चांगलीच फॉर्मात आहे. कॉलेजच्या कट्ट्यावर बसून मजा करता येते हे अगदी मान्यच आहे. पण आपल्या ग्रुपसोबत सकाळी नरिमन पॉइण्टच्या कट्ट्यावर मस्त धमाल करता येऊ शकते. नरिमन पॉइण्टच्या या थंडीचा अनुभव घ्यायचा असेल तर कॉलेजिअन्सनी सुटीच्या दिवशी किंवा क्वचित कधीतरी एखाद-दोन लेक्चरला दांडी मारुन थेट चर्चगेट गाठायचं आणि मरिन ड्राइव्हला फेरफटका मारायला हरकत नाही. ऑफिसगोअर्सनीही रोजचं शेड्यूल थोडं अलिकडे करूनं घेतलं तर ही मजा घेता येऊ शकेल.

रोज संध्याकाळी दिसणारं नरिमन पॉइण्ट आणि थंडीमध्ये सकाळी कुडकुडणारं नरिमन पॉइण्ट टोटली वेगळं वाटतं. रोज संध्याकाळी नरिमन पॉइण्टचा तोच कट्टा कपल्सनी गजबजलेला असतो. त्यामुळे मरीन ड्राइव्हचं खरं सौंदर्य कदाचित तुम्ही नीट पाहिलेलं नसेल. सकाळी हॅप्पी फिल देणाऱ्या थंडीत नरिमन पॉइण्टचा समुदकिनारा धुक्यात हरवलेला असतो. स्ट्रीट लाईटसमुळे समुदात पडणारं रिफ्लेक्शन पाहणं हा खरोखरच अप्रतिम नजारा असतो. सकाळच्या वेळेस नरिमन पॉइण्ट गाठू शकलात तर मुंबईची खरी थंडी आणि मुंबईत मोस्ट वॉण्टेड असणारी शांतता तुम्हाला हमखास अनुभवता येऊ शकते. सो या वीकेण्डला झोप थोडी बाजूला ठेवलीत तर मुंबईतच गुलाबी थंडीचा फिल घेता येईल.

कर्जतचीथंड हवा

कर्जत शहर वगळता कर्जत तालुक्यात मुंबईचे पर्यटक थंडीचा मनमुराद आनंद लुटण्यासाठी येत असतात. इथलं वातावरणं खूप छान असतं. या परिसरातल्या थंडीत मजा करता येईल अशा अनेक जागा आहेत. त्यात पालीभूतिवली, आंबिवली, आणि पोटवली या ठिकाणी जाऊन थंडीचा पुरेपुर आनंद घेता येऊ शकतो. भिवपुरी स्टेशनवर उतरल्यानंतर खूप मोठा पालीभूतिवली डॅम पाहायला मिळतो. कर्जत स्टेशनपासून अवघ्या दहा ते पंधरा मिनिटांवर असणारा हा स्पॉट पर्यटकांना खुणावत असतो. चारही बाजूंनी छोट्या-छोेट्या टेकड्यांची भिंत आणि त्याच टेकड्यांना लागून नागमोडी वळणं घेत जाणाऱ्या वाटेवर गप्पा मारत निवांत बसता येतं. इथल्या टपरीवर गरमा गरम बटाटे वडे आणि वाफाळता चहा मिळतो, त्यामुळे पेटपूजेचीही चिंता नाही.

आल्हाददायक तुंगारेश्वर

वसई रोड स्थानकाच्या पूवेर्ला १० कि.मी. अंतरावर मंुबई-अहमदाबाद हायवेलगत तंुगारेश्वर डोंगर आहे. सातीवली गावाच्या हद्दीत तंुगार पर्वताचं उंच शिखर दृष्टीला पडतं. हायवेला लागूनच या मंदिराच्या दिशेने जाणारा रस्ता आहे. या देवस्थानाकडे जाताना अत्यंत कच्चा, दगड-धोंड्यांचा कच्चा रस्ता तुडवावा लागतो. आजुबाजूला उंच घनदाट झाडी, विस्तारलेलं जंगल, विशाल दगड-धोंडे पाहायला मिळतात. पावसाळ्यात हा डोंगर हिरवागार होतो. वाटेतील तीन नाले दुथडी भरून वाहत असतात. हिवाळ्याच्या दिवसातही इथे गुलाबी थंडी अनुभवता येते. दर्शनासाठी बहुतेक भक्त पहाटे येतात. त्यावेळी डोंगर परिसरावर धुक्याचा साज चढलेला असतो. डोंगर हिरव्या ऐश्वर्याने नटला असल्याने इथे शुद्ध हवा मिळते. हिवाळ्यात जाणवणारी थंडी हवीहवीशी वाटते. डोंगरावर जसजसे वर जात जाल तसतसा थंडावा अधिक जाणवतो.

तंुगारेश्वर डोंगरावर महादेवाचं परशुराम काळापासूनचं मंदिर आहे. डोंगराखाली मेन गेटजवळ बरीच हॉटेल, फुल विक्रीची दुकानं आहेत. डोंगर चढण्यास सुरूवात झाली की आजुबाजूला फक्त वनश्रीच्या वैभवाचं दर्शन होतं. मोठमोठी झाडं, दगड-धोंडे, खडकाळ वाटेवरून जात असताना वाटेत एखादा कप चहा झाला की आणखी स्फूतीर् येते. तीन-चार किमी कच्चा रस्ता तुडवून महादेवाच्या मंदिरात पोहोचल्यानंतर मनाला क्षणातच प्रसन्नता लाभते. बारा महिने येथे थंडगार हवेचा अनुभव मिळतो. डोंगरावर श्री परशुराम कंुड तीर्थक्षेत्र आहे. महादेव मंदिरापासून हा आश्रम साडेसात किलोमीटर उंच असल्याने तिथेही अधिक गारवा जाणवतो.

कसे जाल?