Algorithm म्हणजे काय?

एखादे हाती घेतलेले काम पायरी पायरी ने सोडवण्यासाठी बनवलेला आराखडा.. स्टेप बाय स्टेप केलेले एखादे काम.

A step by step execution of program. जे प्रोग्राम असतात ते पायरी पायरी मिळून पुर्ण केलेले असतात.

उदाहरणार्थ :

चहा बनवायचा algorithm काय असेल?

Input : पाणी, चहा पावडर, दुध आणि साखर.

पायरी १ : गॕसवर लहान भांड्यात थोडं पाणी घेऊन त्याला उकळवा.

पायरी २ : मग आता त्यात दोन चमचे चहा पावडर टाका.

पायरी ३ : पाण्याला काळा तपकिरी रंग आला की थोडं दुध आणि गरजेपुरता साखर टाका.

पायरी ४ : थोडं उकळू दिल्यानंतर भांडे खाली उतरवावे नी गॕस बंद करावा.

Output : गरमागरम चहा.

हा झाला चहा बनवायचा algorithm. Algorithm हा step by step असतो हा. आपण पायरी ३ दुध टाकायची ती १ वर नाही करु शकतं.. पायरी १.२.३.४ असंच पुढे जायचं असतं.

Algorithm चा फायदा काय होतो?

वरील उदाहरण च पहा. कुठलीही गोष्ट स्टेप बाय स्टेप होते. आम्ही सरळ उठून थोबाडं घेऊन program नाही बनवतं.. अगोदर program चा algorithm बनवतो की सगळ्यांत पहिली पायरी आपली हीं, मग असं होईल, मग दुसरी ही.. हा असेल input आणि हा मिळेल output.

Algorithm मुळे काय करायचे, काय नाही करायचे, कधी करायचे सगळे कळते. आम्ही Program तुकडे तुकडे करून बनवतो नी मग त्यांना एकत्रितपणे जोडतो. त्यात Algorithm अतिशय महत्त्वाचा.

Algorithm कसा तयार करायचा?

सर्वप्रथम आपल्याला नक्की काय साध्य करायचं आहे ते निश्चित करावे.. मग आपला input काय असेल नी output काय असेल ते नीट ठरवायचे.

मग input वरून output मिळवण्यासाठी आवश्यक असलेल्या सगळ्या स्टेप्स एकामागे एक येईल अशा लिहाव्यात.

उदाहरणार्थ :

साध्य : मला मासे पकडायचे आहे.

input : तलाव, गांढूळ, आकडा.

पायरी १ : तलावात मस्त एका ठिकाणी शांत बसावे.

पायरी २ : आकडा काढावा नी त्यावर गांढूळ अडकवावे.

पायरी ३ : आता आकडा पाण्यात टाकावा नी वाट पाहावी.

पायरी ४ : जर गांढूळ अजूनही असेल तर आकडा तसाच ठेवावा नी वाट पहावी. जर गांढूळ नसेल तर परत पायरी २ करायची.

पायरी ५ : मासा सापडला तर वर खेचावे. टोपलीत टाकावा. अजून मासे हवे असतील तर परत पायरी १ सुरू करावी.

असं.. हे सगळ्यांत सोप्प आहे.

फुंसुख वांगडू.. Computer Science PhD. Scholar, IIT :-)