दिग्दर्शक

श्री. पितांबर काळे हे मराठी चित्रपटांचे दिग्दर्शक आहेत. त्यांनी सुमारे १५ मराठी चित्रपटांचे दिग्दर्शन केले आहे. त्यांचे मूळ आडनाव कालेल आहे आणि ते मुळात म्हसवड जवळील ता. माण येथील वळई गावचे आहेत.

चित्रपटाचा दिग्दर्शक हा चित्रपटाचा सर्वेसर्वा असतो. त्याच्या मार्गदर्शनाखाली प्रत्येक विभागातील कलाकार आणि तंत्रज्ञ एकत्रपणे काम करतात. दिग्दर्शकावर कथासूत्र तयार करणे, पटकथा लेखकासोबत बसून पटकथा तयार करणे, सिनेमॅटोग्राफर, कलादिग्दर्शका सोबत चर्चा करून कथेचा दृश्य परिणाम साकारण्यासाठी योग्य ती तयारी करून मग त्यापद्धतीने चित्रीकरण पूर्ण करणे इ. कामाची जबाबदारी असते. दिग्दर्शकाला संगीत, नृत्य, ध्वनी, ग्राफिक्स आणि स्पेशल इफेक्ट्स इ. संबंधित कलाकार आणि तंत्रज्ञांशी चर्चा करून अंतिम निर्णय घ्यावा लागतो. त्यामुळे दिग्दर्शकाचे काम अतिशय आव्हानात्मक असते, त्याला सर्वच विभागांच्या कार्यप्रणालीची माहिती असणे गरजेचे असते.